Kampioni i botës për pesha të rënda, Andy Ruiz Jr thotë se dëshiron t’i jap fund karrierës së Anthony Joshuas pas konfirmimit se ka pranuar rimeçin në Arabi Saudite.

29-vjeçari tronditi Joshuan në New York gjatë muajit qershor duke fituar titujt e botës në WBA, IBF, WBO dhe IBO, transmeton portali arbresh.info.

Por, ata do të përballen sërish me njëri-tjetrin në lindje të mesme me 7 dhjetor.

“E rrëzova AJ-në në Big Apple dhe synoj t’i jap fund karrierës së tij në shkretëtirë”, ka thënë Ruiz.

Rimeçi ishte prezantuar nga ekipi i Joshuas në fillim të këtij muaji, por Ruiz refuzoi të konfirmojë pjesëmarrjen e tij.

Ai postoi sot (e shtunë) në rrjete sociale duke shkruar: “Jam i ngazëllyer për t’iu njoftuar për rimeçin me Anthony Joshuan”.

“Në meçin e parë unë kam shkruar historinë duke u bërë meksikani/amerikani i parë kampion bote për pesha të rënda”

“Jam mirënjohës për Arabinë Saudite që më ftoi mua”

Aktivistët e të drejtave të njeriut ka vënë në pikëpyetje përzgjedhjen e vendit duke cituar regjistrin e të drejtëve të njeriut në Arabi Saudite./arbresh.info/